شعبہ اہتمام مدرسہ مفتاح العلوم کا مرکزی انتظامی یونٹ ہے جو ادارے کے تمام تعلیمی و انتظامی معاملات کی نگرانی، پالیسی سازی اور ہم آہنگی کا ذمہ دار ہے۔ یہ شعبہ دینی روایات اور عصری تقاضوں کے مطابق مدرسے کے نظام کو چلانے میں کلیدی کردار ادا کرتا ہے، جس میں اساتذہ و طلبہ کے ضوابط، تعلیمی معیارات اور مالی امور کی نگرانی شامل ہے۔ ہفتہ وار اجلاس، سہ ماہی جائزے اور جدید ڈیجیٹل نظام کے ذریعے شعبہ اہتمام مدرسے کو منظم طریقے سے چلاتا ہے۔

• تعلیمی نظام کی نگرانی اور معیار کی بہتری
• اساتذہ و طلباء کے درمیان مؤثر رابطہ کاری
• مالی معاملات میں شفافیت کا اہتمام
• سالانہ تعلیمی کیلنڈر کی تیاری و نفاذ
• امتحانی نظام کی منصوبہ بندی و اجراء
• تعلیمی پالیسیوں کی تشکیل و اطلاق
• جدید تقاضوں کے مطابق نصاب کی تجدید
• ڈیجیٹل نظام کا مسلسل ارتقاء
• تربیتی ورکشاپس کا انعقاد
• تعلیمی ماحول کی بہتری کی کوششیں

یہ شعبہ تعلیم کے معیار کو بلند رکھنے کے لیے نصاب کی تیاری اور اساتذہ کی نگرانی کا فریضہ انجام دیتا ہے۔ ہر مضمون کے لیے مناسب مواد فراہم کرتا ہے اور تدریسی عمل میں بہتری کے لیے مسلسل جائزہ لیتا ہے۔ طلبہ کی تعلیمی کارکردگی کا جائزہ لینا، امتحانات کا انعقاد اور تعلیمی مشاورت فراہم کرنا بھی اس کا حصہ ہے۔ جدید تدریسی طریقوں کو اپنانا، ورکشاپس اور تربیتی پروگرام منعقد کرنا بھی شعبئہ تعلیمات کی ذمہ داریوں میں شامل ہے، تاکہ تعلیم مؤثر اور معیاری ہو۔

جامعہ کے مالیاتی نظم و نسق کا سارا بوجھ شعبئہ مالیات پر ہوتا ہے۔ یہ شعبہ فنڈز کے حصول، ان کی مناسب تقسیم اور شفاف حساب کتاب کو یقینی بناتا ہے۔ طلبہ سے فیسوں کی وصولی، تنخواہوں کی ادائیگی، مالی امداد کی ترتیب اور بجٹ کی منصوبہ بندی جیسے اہم کام انجام دیتا ہے۔ سالانہ مالی رپورٹس کی تیاری، آڈٹ کا اہتمام اور اخراجات کی نگرانی بھی اس کے دائرہ کار میں شامل ہے۔ مالی معاملات میں دیانت اور شفافیت برقرار رکھنا اس شعبے کی بنیادی ترجیح ہوتی ہے۔

جامعہ مفتاح العلوم میں عربی زبان و ادب کی تعلیم کو تین مراحل میں تقسیم کیا گیا ہے:

اس مرحلے میں طلبہ کو عربی زبان کی بنیادی تعلیم دی جاتی ہے، جس میں صرف و نحو، ابتدائی عربی ادب اور اسلامی عقائد شامل ہیں۔ یہ پانچ سالہ کورس ہے جو طلبہ میں عربی گرامریعنی نحو و صرف کی رعایت سے عربی عبارات سمجھنے کی صلاحیت فراہم کرتا ہے، جس کے بعد طالب علم "ثانویہ" کی سند حاصل کرتا ہے ،یہ کورس مکمل کرنے کے بعد طلبہ یوپی مدرسہ بورڈ سےامتحان پاس کرکے مولوی کی سند حاصل کرتے ہیں جو کہ یوپی بورڈ کے ہائی اسکول کی سند کے مساوی ہے۔

اس مرحلے میں طلبہ کو عربی زبان کے اعلیٰ قواعد، بلاغت، منطق، فقہ، حدیث اور تفسیر جیسے علوم پڑھائے جاتے ہیں، یہ دو سالہ کورس ہے جس کے بعد طالب علم "عالمیت" کا درجہ حاصل کرتا ہے اور دینی علوم میں مہارت پیدا کرتا ہے، یہ کورس مکمل کرنے کے بعد طلبہ یوپی مدرسہ بورڈ سےامتحان پاس کرکے عالم کی سند حاصل کرتے ہیں جو کہ یوپی بورڈ کے انٹر میڈیت کی سند کے مساوی ہے۔

یہ درس نظامی کا اعلیٰ ترین مرحلہ ہے، جس میں طلبہ کو علومِ قرآن، تفسیر قرآن، حدیث و اصولِ حدیث، فقہ المقارن، فقہ و اصولِ فقہ، علم کلام اور دیگر اعلیٰ دینی علوم کی تعلیم دی جاتی ہے۔ اس مرحلے کے بعد طالب علم "فضیلت" کی سند حاصل کرتا ہے اورتحقیق و تدریس کے میدان میں خدمات انجام دے سکتا ہے۔

جامعہ مفتاح العلوم مئو کا شعبہ فارسی و اردو ادب ایک منفرد اور جامع تعلیمی پروگرام پیش کرتا ہے جو طلباء کو تین سال میں فارسی اور اردو دونوں زبانوں کے ادبی خزانوں سے روشناس کراتا ہے۔ یہ شعبہ نہ صرف زبانوں کی تعلیم دیتا ہے بلکہ ادبی تنقید، تحقیق اور تخلیقی صلاحیتوں کو بھی پروان چڑھاتا ہے۔

پہلے سال میں طلباء کو فارسی زبان کی بنیادی تعلیم دی جاتی ہے جس میں اسم، فعل، ضمیر اور صفت جیسے قواعدی اجزاء شامل ہیں۔ ساتھ ہی سادہ فارسی نثر جیسے کہانیاں، خطوط اور مختصر مضامین پڑھائے جاتے ہیں۔ اردو ادب کے حصے میں طلباء اردو زبان کی تاریخ اور ارتقاء سے واقف ہوتے ہیں۔ ابتدائی اردو نثر میں مرزا غالب کے خطوط اور سر سید احمد خان کے مضامین کا مطالعہ کیا جاتا ہے، جبکہ نظم و نثر کی بنیادی اصطلاحات اور مثالیں سیکھی جاتی ہیں۔

دوسرے سال میں طلباء فارسی کے اعلیٰ قواعد جیسے مرکب جملوں اور محاورات کی تعلیم حاصل کرتے ہیں۔ ادبی حصے میں گلستان سعدی کے منتخب ابواب اور کلاسیکی فارسی شاعری کے ابتدائی اشعار شامل ہیں۔ اردو ادب کے تحت طلباء داستان امیر حمزہ سمیت دیگر قدیم داستانوں کا مطالعہ کرتے ہیں۔ میر تقی میر اور مرزا غالب کی غزلیات کے ذریعے اردو شاعری کی بنیادیں سیکھی جاتی ہیں، جبکہ اردو تنقید کے ابتدائی اصول بھی پڑھائے جاتے ہیں۔

تیسرے اور آخری سال میں طلباء فارسی ادب کے گہرے مطالعے کے لیے فارسی ادب کی معروف تصانیف کے منتخب حصے، فارسی شاعری کے ممتاز نمونے اور فارسی تصوف کی اہم کتب کے اہم اقتباسات پڑھتے ہیں۔ اردو ادب کے حصے میں جدید اردو شاعری کے اہم اسالیب اور رجحانات، اردو افسانہ نگاری کے ارتقاء اور معیاری نمونوں کا مطالعہ شامل ہوتا ہے۔ سال کے اختتام پر طلباء کو ادبی تنقید کے جدید نظریات سے روشناس کرایا جاتا ہے اور انہیں کسی ادبی موضوع پر تحقیقی مقالہ لکھنے کا موقع دیا جاتا ہے، جس میں وہ اپنے مطالعہ اور تحقیقی صلاحیتوں کا اظہار کرتے ہیں۔

یہ شعبہ اپنے منفرد انداز تعلیم، تجربہ کار اساتذہ اور وسیع لائبریری کے ذریعے طلباء کو فارسی و اردو ادب کی اعلیٰ تعلیم فراہم کرتا ہے، جس سے نہ صرف ان کی ادبی صلاحیتیں نکھرتی ہیں بلکہ وہ ان زبانوں کے ذریعے اسلامی علوم اور ثقافتی ورثے سے بھرپور انداز میں واقف ہوتے ہیں۔

جامعہ میں قرآن کریم کے حفظ اور تجوید کی تعلیم کا خصوصی انتظام ہے۔ اس شعبے میں:

طلبہ کو منظم طریقے سے قرآن کریم حفظ کرایا جاتا ہے، جس میں روزانہ نئے اسباق یاد کرنے اور پرانے اسباق کا مراجعہ کرایا جاتا ہے ، روزِ اول سے ہی یہ شعبہ ماہر اساتذہ کی نگرانی میں اپنی بیش بہا خدمات انجام دے رہا ہے۔

طلبہ کو قواعد تجوید کے مطابق قرآن پاک کی صحیح تلاوت سکھائی جاتی ہے، تاکہ وہ غلطیوں سے پاک قراءت کر سکیں۔

اس میں طلبہ کو خوش الحانی کے ساتھ قرآن پڑھنے کی تربیت دی جاتی ہے، جس میں وقف، ابتدا اور لحن (آواز کی خوبصورتی) پر خصوصی توجہ دی جاتی ہے۔

یہ تمام شعبہ جات جامعہ مفتاح العلوم کو ایک مکمل دینی و علمی ادارہ بناتے ہیں، جہاں طلبہ دین و دنیا کے علوم سے آراستہ ہو کر معاشرے کی خدمت کے لیے تیار ہوتے ہیں۔

شعبئہ افتاء شرعی امور میں رہنمائی فراہم کرنے کے لیے قائم کیا گیا ہے۔ یہاں مستند علماء شریعت کے دقیق اور پیچیدہ مسائل پر تحقیق کرتے ہیں اور کتاب و سنت کی روشنی میں فتاویٰ مرتب کرتے ہیں۔ عام عوام، طلبہ اور ادارے کو مختلف مذہبی، معاشرتی اور انفرادی مسائل میں شرعی رہنمائی فراہم کی جاتی ہے۔ اس شعبے میں سوالات کے جوابات لکھنے، مشاورتی اجلاس منعقد کرنے اور فتاویٰ کی اشاعت کا اہتمام بھی شامل ہوتا ہے۔ دیانت داری، علمی گہرائی اور تحقیق اس شعبے کی بنیاد ہیں۔

شعبہ کمپیوٹر جدید ٹیکنالوجی کی تعلیم کے لیے قائم کیا گیا ہے۔ یہاں بنیادی کمپیوٹر کورسز، پروگرامنگ، اور گرافک ڈیزائن جیسے اہم مضامین میں تربیت دی جاتی ہے۔ طلبہ کو ڈیجیٹل مہارتیں سکھائی جاتی ہیں تاکہ وہ جدید دور کے تقاضوں سے ہم آہنگ ہو سکیں۔

شعبہ دارالاقامہ طلبہ کے لیے معیاری رہائش، خوراک، صفائی، اور حفاظتی انتظامات فراہم کرتا ہے۔ یہاں طلبہ کے لیے ایک محفوظ، منظم، اور دینی ماحول قائم کرنے کی کوشش کی جاتی ہے۔ روزمرہ کی سہولیات کی نگرانی اور اخلاقی تربیت پر بھی توجہ دی جاتی ہے۔

شعبئہ نشروعشاعت جامعہ کی علمی و دینی سرگرمیوں کو دستاویزی صورت میں پیش کرتا ہے۔ یہ شعبہ کتب، رسائل، مجلّات اور دیگر تعلیمی مواد کی اشاعت کا ذمہ دار ہے۔ نصابی و تحقیقی مواد کی تیاری، کمپوزنگ، طباعت اور ترسیل کے امور کو پیشہ ورانہ انداز میں انجام دیتا ہے۔ ساتھ ہی ادارے کی سرگرمیوں کو عوام تک پہنچانے کے لیے نیوز لیٹرز، ویب سائٹ اور سوشل میڈیا کا بھی استعمال کرتا ہے۔ تحقیقی ذوق کو پروان چڑھانے اور علم کی ترویج میں اہم کردار ادا کرتا ہے۔